Қаланы тұрмыстық қалдықтан тазартып тұру қызметіне жан басына 400 теңгеден Ақтөбе үшін ең тиімді баға. Қалалық тұрғын үй -коммуналдық шаруашылық бөлімінің басшысы Нұрлан Досов тарифті көтермей, мәселе шешілмейді деп отыр. Бүгінде қоқыс жәшіктерін босатумен 3 жеке компания айналысып жатыр. Бұл қызметтері үшін бюджеттен көк тиын пайда көрмей отырған бизнесмендер қызмет ақысын көтеруді сұрап отыр. Әзірге қала тазалығымен айналысуға 3 жеке компания келісіп отыр. "Нео+" ықшам аудандар, қаланың орталық көшелері, Әуе қалашығы аумақтарына жауапты. "Табыс ел" көне қала, "Нұр Ақтөбе" ауданы, Заречный-1,2,3 аудандарының қоқысын шығарып жүр. "Таза Қарғалы" компаниясына Қарғалы елді мекені бұйырған. Бұл компаниялардың ұсынысы әлі қаралады. Қоғамдық тыңдаулар өтеді. Оған дейін бизнесмендер қалалық әкімдікпен арадағы келісімшарт бойынша қызмет көрсете тұрады.