Қоғамдық кеңестің кезекті отырысы өтті

Бүгін денсаулық сақтау саласындағы медициналық қызмет сапасын арттыру жұмыстары және әлеуметтік сала туралы қоғамдық кеңестің кезекті отырысы өтіп, аталған салаларға қатысты атқарылған жұмыстарға тоқталды. Өңірде биыл 14 жаңа медициналық нысан пайдалануға берілген. Денсаулық сақтау саласына бөлінген жалпы қаржы көлемі 2,3 млрд теңгені құрайды. 10 денсаулық сақтау нысанына жалпы сомасы 1,3 млрд теңгеге күрделі жөндеу жүргізілген. Бұл туралы бүгін қоғамдық кеңестің кезекті отырысында айтылды. Биыл 14 жаңа медициналық нысан пайдалануға берілген. Бүгінгі қоғамдық кеңестік кезекті жиында Денсаулық сақтау саласындағы инфрақұрылымды жаңарту және медициналық қызмет сапасын арттыру жұмыстары туралы айтылды. Денсаулық сақтау саласына бөлінген жалпы қаржы көлемі 2,3 млрд теңгені құрайды. Ал 10 денсаулық сақтау нысанына жалпы сомасы 1,3 млрд теңгеге күрделі жөндеу жүргізілген. Одан басқа Шалқар, Мұғалжар және Хромтау аудандық ауруханалары ауданаралық мәртебе алуға дайындалуда. Биыл бұл ауруханалар компьютерлік томография және магниттік-резонанстық томография құрылғыларымен жабдықталмақ. Медициналық ұйымдарды құрал-жабдықпен қамту деңгейі 2025 жылы 94,7 пайызға жеткен. Өткен жылы бұл бағытқа 9,6 млрд теңге бөлінсе, 2026 жылға 2,8 млрд теңге қарастыру жоспарланып отыр. Бүгінде медицина саласындағы мамандардың біліктілігін арттыру мәселесі өзекті. Осы бағытта да арнайы жұмыстар атқарылған. Дәрі-дәрмекпен қамтамасыз ету және медициналық қызмет сапасы мәселелеріне тоқталсақ, өңірдегі медициналық орталық жоғары оқу орнына тікелей бағынысты болғандықтан, барлық маңызды шешімдер университет басшылығымен бірлесіп қабылданады. Жиын барысында тұрғындар тарапынан көтерілген мәселелер де назардан тыс қалмады. Өңір тұрғындары көтеріп отырған өзекті мәселелердің бірі - онкологиялық препараттармен қамтамасыз ету. Бұл мәселе де көп қаражатты талап етеді, -дейді мамандар. Науқастарды дәрілік препараттармен уақытылы қамтамасыз ету денсаулық сақтау жүйесіндегі басым бағыттардың бірі болып қала береді. Ал әлеуметтік мәселелер аясында облысында халықты әлеуметтік қолдау мен жұмыспен қамту бағытында жыл басынан бері 11 мыңнан астам адам жұмыспен қамтылып, көпбалалы және аз қамтылған отбасыларға мемлекеттік көмек көрсетілген. Соның ішінде 30 993 көпбалалы отбасыға мемлекеттік жәрдемақы төленіп, 2 226 аз қамтылған отбасыға атаулы әлеуметтік көмек көрсетіліпті. Облыста 32 174 мүгедектігі бар адам тұрады. Оларды қолдау мақсатында 11 мыңнан астам азамат техникалық құралдар мен әлеуметтік қызметтермен қамтылған. Сонымен қатар, өңірде жаңа оңалту орталықтарын ашу жоспарланып отыр.
Количество показов: 12
Дата создания: 10.06.2026 07:08:15