Мереке күндері облыстық медициналық жедел жәрдем ауруханасына түскен ақтөбеліктердің саны 4 есеге артқан. Өткен төрт күнде дәрігерлердің көмегіне 500 адам жүгінген. Оның 19-ы тұрмыстық жағдайда аса ауыр жарақат алғандар. Жаңа жылдың нышаны петарданы қылтимасында атпақшы болған жігіттің жағдайы қазір қалыпқа келген. Отшашу 30 жастағы жігіттің қолында тұтанып кеткен. Оның қол сүйектері зақымданған. Жарақат алған науқас сол сәтте мас болған. Сондай-ақ, жаңа жыл түні екі ақтөбелікті пышақтап кеткен. Біреуінің жағдайы ауыр, жансақтау бөлімінде жатыр. Жасы-20да. Төртінші қабаттан құлаған ақтөбелікке дәрігерлер дер кезінде көмек көрсеткен. Бұл оқиға бойынша, полицейлер іс қозғады. Суицид оқиғасы бойынша тағы бір дерек тіркелген. Жақындарының мәлімдеуінше, 35 жастағы ақтөбелік өзінің бетіне мылтықтан оқ атып, қатты зардап шеккен. Оның бас сүйегі зақымданған. Әзірге анықталмаған деректер бойынша өзіне қол жұмсамақ болған ер адам қалаға аудандардың бірінен жаңа жылды қарсы алуға келген. Ол оқты біратар мылтықтан иегіне тақап тұрып атқан болуы керек деген болжам бар. Жаңа жыл түні тұрмыстық жағдайда жарақат алған нәзік жандылар саны биыл көп емес. 2 дерек тіркеліпті. Бір-бірімен төбелескен арулар жеңіл дене жарақаттарын алған. Қазір ауруханада жатыр.