Бүгін Ақтөбе-ақпарат орталығында "Ноу проблем! Мәселе жоқ!" жобасы қорытындыланды. Мамандар балалар мен жасөспірімдерге арналған сенім телефонына келіп түскен қоңырауларды саралады. Сыныптастарының құрбаны болған оқушылар жайлы оқиғалар ғаламторда өріп жүр. Біреуінен ақша бопсаласа, енді бірін қатарластары соққыға жыққан. Жарты жылдың ішінде "No problem! Мәселе жоқ" жобасының сенім телефондарына 500-ге жуық қоңырау шалған. Оның 28-і ғана ауылдардан. Қалғаны қала тұрғындары. Сенім телефонының нөмірі 55-65-54. Сондай-ақ 8-776-618-90-90 whats app желісі де бар. Бұл нөмірлер жылдың соңына дейін жұмыс істейді. Психологтар мен заңгерлер қандай да бір зәбір көрген азаматтардың шағымын тәулік бойы тыңдап, кеңес беруге әзір. Жоба көбіне балалар мен әйелдер құқығын қорғауға арналған. Қаңтар айынан бастап бұл жоба қайта қолға алынбақ.