Өткен тәулікте облыста 196 адамнан ковид-19 жұқпасы анықталды. 38 ақтөбелік тапсырған ПТР-тест қорытындысы вирустың оң нәтижесін көрсеткен. Коронавирус жұқтырушы науқастардың алтауы Алға, Байғанин, Ырғыз аудандарының тұрғындары. Өңірлік коммуникация орталығында әлеуметтік желі арқылы тұрғындардан түскен сауалдарға жауап берген облыс әкімінің денсаулық сақтау мәселелері жөніндегі кеңесшісі Әсет Қалиев аймақта ахуал тұрақты екенін мәлімдеді. Кеше коронавирус жұқтырғандар саны бойынша рекордты жағдай тіркелгенмен, пневмонияға шалдыққандар қатары сиреген. Халық арасында тарап жатқан алып-қашпа әңгімелерге қатысты әкім кеңесшісі жан-жақты түсініктеме берді. Соның бірі мәйітханаларға қосымша мұздатқыштар сатып алынғаны рас. Бұл үрдіс жыл сайын жазда жүргізіледі. Тек биыл ғана емес деп жауап берді. Сұрақ-жауапқа қатысқан облыстық тауарлар мен көрсетілетін қызметтер сапасы мен қауіпсіздігін бақылау департаментінің басшысы Нұрсұлу Беркімбаева 2-ші тамызға дейін өңірде өзге облыстардағы секілді қатаң шектеу болмайтынын хабарлады. Есесіне карантин талаптарын орындамай отырған бизнес иелеріне бұдан былай ескерту ғана емес айыппұл салынады. Айыппұл көлемі 639 мың теңге мен 4 млн 444 мың теңге аралығында. Айыппұл адам көп шоғырланған және қоғамдық орындарда бетперде кимеген жеке тұлғаға да салынады. 30 айлықтық есептік көрсеткіш көлемінде, яғни 83 мың теңге. Облыстың бас санитар дәрігері жолаушылар тасымалымен айналысатын қос мекеменің әрекетіне байланысты облыс әкімдігіне сауал жолданатынын мәлімдеді. Оларға автобустарды айналымнан алып тастауға нұсқау берілмеген. Мекемелерге тек жүру бағытын шектеп, автобустар санын азайтуға ұсыныс жіберілген. Алайда "Автопарк" мекемесі иелігіндегі бағыттың жартысын тоқтатып тастады.