Мәртөк диқандары 97 мың гектары алқаптан егіс жинап үлгерді
Мәртөк ауданының 30 мыңға жуық тұрғыны бар. Облыс халқының 3 жарым пайызын құрайды. Ауданда ауыл шаруашылығы саласы жақсы дамыған. Қазір ауданда 480-нен астам шаруа қожалығы бар. 234-і егін, 250-і мал шауашылығымен айналысады. Мәртөк ауданында биыл 158 мың гектар алқапқа егін егілген. Оның 97 мың гектарынан диқандар астық жинап үлгеріпті. Қалған майлы дақылдар алда жиналады, дейді аудан әкімі Медет Ысқақов. Ауданда қазір республикалық маңызы бар Батыс Еуропа-Батыс Қытай магистралі бойында 37,5 шақырым жол күрделі жөнделіп жатыр. Қызылжар-Бөрте бағытындағы көпір құрылысы да басталған. Медет Ысқақовтың сөзінше, Мәртөк ауылындағы бірнеше көше жөнделіп жатыр. Мәртөкте 32 елді мекеннің 24-і орталықтандырылған ауыз сумен қамтылған. Халық саны 200 адамнан төмен 8 ауылда кешенді блок-модуль су тазарту станциясы орнатылған. Биыл аудандағы 7 ауылға көгілдір отын тартылған. Қазір Аққайың ауылына газ жүргізіліп жатыр. Аудандадағы барлық ауылға көше жарықтары орнатылған. Тек Мәртөк ауылында 10 көше жарықсыз тұр. Келесі жылы электр жарығымен толық қамтылады дейді аудан әкімі. Қазір құжаттары дайындалып жатыр.Количество показов: 30
Дата создания: 09.10.2025 11:11:14
