Мәртөк ауданының тұрғыны, үйі апатты жағдайда екенін айтып шағымданды

Мартөк ауданындағы ескі екі қабатты пәтерді тұрғындары апатты деп санаса, жауаптылар тұруға болады, тек жөндеу жұмыстары қажет екенін айтады. Үйді апатты деп санайтын тұрғын мәселенің шешілуін сұрап, редакциямызға шағымданды. Ол бұл өтінішін жауапты мекемелерге жеткізгенін айтады. Дегенмен мәселе шешімін таппай, үйдің жағдайы күн өткен сайын нашарлап жатқан көрінеді. Мартөк ауданындағы Өтебалинов көшесіндегі 123-ші тұрғын үйдің жағдайы сын көтермейді. Ескі үйдің жырығы үйдің сыртынан-ақ байқалады. Ал тұрғын үйдің ішінде- қабырғаға ұзыннан түскен жырықтар, төбедегі ылғал- адамның тыныс алуына да кесір. Бүгін редакциямызға келген ескі үйдің тұрғыны келіп,шағымын білдірді. Бұл баспанада Роза Қоразованың 2 топтағы мүгедектігі бар зейнеткер анасы тұрады. Апатты үйде жалғыз тұратын анамды ойлап уайымдаймын,- дейді қызы. Тұрғынның сөзінше, бірнеше жыл бұрын жөндеу жұмыстарын жүргізбек болғанда, мамандар үйдің қисайып тұрғанын айтып, пластик терезе орнатудан бас тартқан. Өткен жылы осы үйдің екінші қабатындағы тұрғындарға жаңа пәтер берілген. Бірақ ресми құжаттарда көшірудің себебі ретінде үйдің апатты жағдайы емес, отбасы мүшелерінің санының артуына байланысты тұрғын үй жағдайын жақсарту көрсетілген. Осыдан кейін ол жауапты мекемелерге жүгініпті. Алайда "үйдің жағдайы апатты болғанымен, әлі күнге дейін нақты шешім қабылданбады", - дейді Роза Қоразова. Тұрғын аудан әкімдігіне бірнеше мәрте жүгінгенін айтады. Қалған үш пәтер тұрғын үй-коммуналдық шаруашылығы бөлімінің теңгерімінде болғандықтан, мәселе әлі күнге дейін шешілмегенін жеткізді. Ал жауаптылардың мәліметінше, комиссия қорытындысында үй апатты емес, жөндеуге жарамды деп көрсетілген. Екінші тараптың жауабы бойынша үйге жөндеу жұмыстарын жүргізу жоспарланған. Алайда, нақты уақыты белгісіз. Ал ескі үй апатты емес деп . Үйдің іргетасын күшейтіп, бетон құю жұмыстары алдағы жоспарда екенін айтты аудан ТҮКШ басшысы.
Количество показов: 17
Дата создания: 08.08.2026 08:54:57