МӘМС: жаңа өзгеріс халыққа тиімді ме?

Қазақстанда міндетті әлеуметтік медициналық сақтандыру жүйесі жаңарып жатыр. Жаңа заңға сәйкес 2026 жылдан бастап бірқатар маңызды өзгерістер күшіне енеді. Бұл өзгерістер - денсаулық сақтау саласын қолжетімді, әділетті әрі тиімді етуге бағытталған. 2026 жылдан бастап сақтандырылмаған азаматтар да онкоскринингтерден тегін өте алады. Сондай-ақ дәрігерлер ескерген 8 әлеуметтік маңызды ауру бойынша толық тексеруден өту құқығы беріледі. Бұдан бөлек, әлеуметтік жағдайы төмен азаматтар үшін жарнаны енді әкімдік төлейтін болады. Бұған D және E деңгейіне кіретін азаматтар жатады.Сондай-ақ, егер азамат МӘМС жарналарын 5 жыл қатарынан төлесе, бірақ уақытша табыстан айырылып, жарна төлеуді тоқтатса, оның сақтандырылған мәртебесі 6 ай бойы сақталады. Осы уақыт ішінде ол МӘМС жүйесінің қызметін пайдалана алады. Бүгінде сақтандыру мәртебесін алу үшін алдыңғы 12 ай үшін жарна төлеу міндетті емес. Яғни, 4 250 теңгеден ай сайын төлеу арқылы адам толық бір жылға сақтандырылған болады. Бірақ бұл төлем ай сайын бөлек жасалуы керек — өйткені жүйе бірден 51 000 теңгені автоматты түрде қабылдамайды. Айта кетейік, 15 санат жарна төлеуден босатылған. Олардың қатарында балалар, зйнеткерлер, жүкті әйелдер, сутенттер мен мүгедектер бар.МӘМС жүйесі 2017 жылдан бері жұмыс істейді. Ол әр азаматқа тең медициналық көмекке мүмкіндік ашады. Сақтандырылған адам кеңейтілген медициналық қызметтер пакетін пайдалана алады. 2025 жылдың 14-ші шілдесінде Мемлекет басшысы қол қойған заң 2026 жылдың 1-ші қаңтарынан бастап күшіне енеді.
Количество показов: 20
Дата создания: 19.07.2025 06:47:52