Мөлтекаудан тұрғындары жая жүргіншілер белгісін сұрайды

Қаламыздағы 5-шағын ауданындағы жолды кесіп өтетін жаяулар жолағының алып тасталғанына көп уақыт өтсе де, тұрғындар бұл мәселенеі әлі де көтереді. Аудан тұрғындарының айтуынша бағдаршамға барғанша үйлерді айналып жүруге тура келеді, алдымыздағы саябақ, басқа да жерлерге баруға уақытың кетеді. Бұл ауданда тек жастар емес, қарттар да тұратынын және оларға жаяу жүру қиынға соғатынын ұмытпау керек,- дейді олар. Қаламызда 5-шағын аудан тұрғындары жаяу жүргіншілер жолына қатысты мәселе көтеріп отыр. Мәселе Ә.Молдағұлова бойындағы 5-мөлтекаудан жолына қатысты. Айтуларынша осыдан 4–5 жыл бұрын аталған аумақта жаяу жүргіншілер жолы болған, алайда уақыт өте келе басқа орынға ауыстырылған. Салдарынан жергілікті тұрғындар жолдың арғы бетіне өтулері үшін бірнеше шақырымға дейін айналып жүруге мәжбүр. Жолдың арғы бетінде супермаркет, халыққа қызмет көрсету орталығы және өзге де маңызды нысандар орналасқан. Мәселе бойынша тұрғындар бұған дейін қалалық әкімдік пен жолға жауапты мекемелерге жүгінгенімен, нақты шешім қабылданбаған.Тұрғындар мәселенің оң жағына шешілуін күтеді. Жолдың бойынан жаяулар белгісін сызбайтын болса, жер үсті өткелін салып берсе деген пікірде. Бұл шағыммен бармаған жеріміз, баспаған тауымыз жоқ деп отыр олар.Жол-көлік инфрақұрылымына жауапты өкілдер бұл мәселе бойынша түсініктеме берді. Айтуларынша, аталған аймақта жаяу жүргіншілер жолағы түспейді. Себебі бұл автокөліктің кептелісіне алып келеді. Олар бұл мәселе бойынша ешқандай тұрғындардан шағым түспегенін жазады. Әйтсе де, басқарма мамандары аталған аумаққа шығуға, жаяу жүргіншілер жолағын орнату мүмкін бе, жоқ па түсініктеме беруге дайын екенін жеткізді.
Количество показов: 11
Дата создания: 04.06.2026 06:43:25