21-мамыр мәдениет қызметкерлері күніне орай бүгін "Өнер орталығында" "Мәдениетім-мерейім" атты салтанатты іс-шара өтті. Кешке қатысқан облыс әкімінің орынбасары Бұлбұл Елеусінова аймақ басшысы атынан осы сала қызметкерлерін кәсіби мерекелерімен құттықтап, үздік мамандарды марапаттады. Осы жылдың жақсы жаңалығы Ғ. Жұбанова атындағы облыстық филармонияның камералық оркестрінің жетекшісі Әли Ермекбаев "Қазақстанның еңбек сіңірген қайраткері" атағын алды. Бүгінгі салтанатты кеште тағы да бір топ өнер майталманына "Еңбек ардагері", "Мәдениет саласының үздігі" төсбелгілері мен облыс әкімінің "Алғыс хаттары" табысталды. Өңір мәдениеті мен кәсіби өнерін , тарихи мұрасын дамыту жолында 472 ұйым жұмыс істейді. Облыста 236 кітапхана, 194 клубтық мекеме, 18 музей, 2 театр мен бір филармония бар. Биыл Түркістан қаласында өткен "Рухани қазына-2022" фестивалінде 4 ұжым үздік көрсеткішке ие болып, жүлдері орындардан көрінді. Осы фестивальге қатысқан 28 ұжым әртүрлі марапаттарға ие болған. "Мәдениетім-мерейім" деп аталған бүгінгі салтанатта мәртебелі мамандық иелерінің еңбектері еленіп, облыс әкімінің орынбасары Бұлбұл Елеусінова алдағы уақытта бұл саланы қолдауға атқарушы билік тарапынан көңіл бөлінетіндігін жеткізді.