Әлеуметтік қызметкерлер құрметке бөленді
Әлеуметтік қорғау жүйесі қызметкерлер күніне орай бүгін қаламызда "Мейірім. Парыз. Қызмет" салтанатты шарасы өтті. Мерекелік шараға әлеуметтік қорғау жүйесінің қызметкерлері мен ардагерлері, өндірістік компаниялар, мәслихат депутаттары, Қоғамдық кеңес мүшелері, үкіметтік емес ұйымдар және кәсіподақтар өкілдері қатысты. Шара барысында бірқатар әлеуметтік қорғау саласының қызметкерлеріне «Ерен еңбегі үшін» мемлекеттік наградасы табысталды. Әлеуметтік қорғау жүйесі қызметкерлер күні 2011 жылдың 20 қазанында кәсіби мерекелер тізіміне ресми түрде енгізіліп, еліміздегі ең елеулі мерекелер қатарына енді. Бұл жанқиярлық еңбегімен және тынымсыз қамқорлығымен қарт адамдарға қызмет ететін, мүгедектерге, аз қамтылған отбасыларға және көп балалы отбасыларға баға жетпес көмек көрсететіндердің барлығына деген шынайы құрметтің дәлелі. Расында біздің қоғамның тұрақтылығы мен әл-ауқаты көп жағдайда халықтың әлеуметтік қорғалуы мен әлеуметтік кепілдік деңгейіне байланысты. Бұл әлеуметтік осал топтарына жататын азаматтарға әлеуметтік қолдау, халықты жұмыспен қамтылуын қамтамасыз ететін мамандардың кәсіби мерекесі. Облыстың 6 арнаулы әлеуметтік қызмет көрсету орталықтары ақшалай сыйлықтарымен марапатталды. 3 миллиондық қаржылай сый алғандардың бірі №3-ші әлеуметтік қызмет көрсету орталығы. Олар 18-жасқа дейінгі ерекше балаларға әлеуметтік көмек көрсетеді. Алған қаражатқа орталыққа қажетті техникалар сатып алатынын айтты басшысы. Шара барысында бірқатар әлеуметтік қорғау саласының қызметкерлеріне «Ерен еңбегі үшін» мемлекеттік наградасын алады. Сонымен қатар, әлеуметтік қызметкерлерге ҚР Еңбек және халықты әлеуметтік қорғау министрлігінің «Әлеуметтік - еңбек саласының үздігі» төсбелгісі тапсырылды. Сала ардагерлері ҚР Еңбек және халықты әлеуметтік қорғау министрлігінің «Еңбек ардагері», «Ақтөбе өңіріне сіңірген еңбегі үшін» медальдарымен марапатталды. Жұмысшы мамандықтар жылы аясында өткізілген «Әлеуметтік қорғау жүйесінің үздік қызметкері және үздік әлеуметтік жоба» және «Еңбек жолы» республикалық конкурстарының облыстық кезеңінің жеңімпаздарын құрметтеу рәсімі де орын алды.Количество показов: 22
Дата создания: 01.11.2025 02:11:31
