Көтерме базардың көкөністері қаншадан?
Жаз тәтті тосап пен күздік салаттың маусымы. Қыстың қамын жаз ойла демекші, ас үй ханымдары балғын көкөністен түрлі салаттар жасап, қияр тұздап, қыстың қамына кірісіп кетті. Базарда көкөніс пен жеміс-жидектің алуан түрі сатылады, әрі маусымында бағасы да салыстырмалы түрде төмен болады. Елімізде күннен-күнге базар бағасы шарықтап барады. Қазір екі адам қосылып, әңгіме айта қалса, базардағы бағаны, қымбатшылықты сөз қылады. Себебі айлық азық-түліктен артылмай тұр. Қалтаны қаққан нарық бағасы халықтың ырқына бағынар емес. Десе де, көтерме базардың саудасы қызып тұр. Себебі, қазір жеміс жидек пен балғын көкөністің маусымы,- дейді саудагерлер. Базар таңғы 04:30-да ашылып, жақын елді мекендерден, қаладағы дүкен, мейрамханалардан алушылар ағылады. Базарды үлкейткен сайын, сатып алушылар қарасы да көбейген. Қазір жәрмеңке де болып тұрады. Өнім көбейген сайын, қазір көбіне баға да түскенін айтады сатушылар. Ал маусымдық қарбыз-қауынның күніне 3-4, кейде 5 тоннасына дейін сатамыз. Дәмі тіл үйіреді, келушілер қайта келіп алады,- дейді олар. Ал базардағы бағаларға келсек, Түркістандық қара өрік пен өріктің бағасы- 500 теңге, Ташкенттік жүзім- 750 теңге, алма 13 кг жәшігімен 8000-8500 теңге аралығында сатылып жатыр. Ащы бұрыш келісіне-1000теңге, тәтті бұрыш- 400 теңге, сарымсақ- 1200 теңге. Қияр-400 теңге болса, қызанақ - 350 теңгеден саудаланып жатыр.Количество показов: 23
Дата создания: 07.08.2026 07:42:22
