Жергілікті билік баға үнемі бақылауда дегенімен, қалада азық-түліктің құны күн өткен сайын көтеріліп жатыр. Қыркүйектегі құнсыздық деңгейін есептеген мамандар күнделікті ішіп-жейтін тамақтың орта есеппен 1,2 пайызға қымбаттағанын айтады. Құны өскен тауарлар тізімінде жұмыртқа, сүт, шай, ұн бар. Күзгі жиын-терін маусымында көкөніс арзандады. Өткен айда сәбіз 30 пайызға, пияз  25, картоп 24 пайызға төмен бағамен сатылған. Қызылша, қырыққабат, тәтті бұрыштың бағасы да әжептәуір түскен. Құмшекердің бағасы қыркүйекте 11 пайызға төмендесе, қарақұмық жармасы қазір бұрынғыдан 3 пайызға арзан. Қыркүйекте жанар-жағар майдың қымбаттағаны белгілі. Күзгі егін орағы кезінде әсіресе, дизель отынына сұраныстың артуына байланысты май құю бекеттерінде баға өзгерді.