Соңғы тәулікте облыс бойынша коронавирус індетін жұқтырудың жаңа 382 жағдайы тіркелген. Аурушаңдықтың өсу деңгейі 1,8 пайызды құрады. Инфекциялық ауруханаларда 1 316 адам ем алуда.Облыста былтыр наурыздан бері індетке шалдыққандардың жалпы саны 24 449 адамға жетті. Оның 74 пайызы аурудан жазылып шыққан. Бүгінде үй карантиніне 9 504 адам алынған.Жыл басынан бері індеттен 307 адам қайтыс болған. Облыс әкімінің бірінші орынбасары Руслан Хамбаров ақтөбеліктерге санитарлық ережелерді сақтап, үй жағдайында емделмеуді сұрады. Ағымдағы жылдың ақпан айынан бастап облысқа 536 мың доза вакцина жеткізілді. Наурыздан бері 809 мың ПТР тест тапсырылды. Індетті жұқтырғандардың көбі 40-49 жас аралығындағы азаматтар. Ал ауруханаларда 190 жүкті әйел ем алуда. Соңғы аптада 2 жүкті әйел коронавирус инфекциясынан көз жұмған. Есеп берушілер тұрғындардан көп адам жиналатын жерлерде жүрмеуді сұрап, той-жиындарды тоқтату керектігін ескертті. Сенбі, жексенбі күнгі локдаун сақталады.