Имамдар жылды қорытындылады
Елімізде ажырасу алдында тұрған 500 отбасы имамдардың ықпалымен сақталған. Бүгін қалада облыстың әр ауданынан және қала мешіттерінен жиналған имамдар жыл бойы атқарған қызметтері мен жұмыстарын қорытындылап, есеп берді. Жыл басталғалы 100 миллион теңге көлемінде 6 мұқтаж отбасыға баспана алынды. Одан бөлек, ерлер, әйелдер және балаларға арналған 380 оқырмандар клубы ашылған. Имамдардың жылдық есеп беру жиналысы өтті. Оған облыстың бас имамы Амантай Садиев және қала, 12 аудан бас имамдары және мешіт қызметкерлері қатысты. Жиынды өңірдің бас имамы ашып жүргізді. Жиында имамдар ҚМДБ-ның тапсырмаларына сәйкес, негізгі 4 бағыт бойынша: Дін мен дәстүр, ізгі қоғам, отбасылық құндылық, жат ағымдардан сақтандыру шараларына қатысты жыл бойы жүргізген жұмыстарын баяндады. Биыл басымдылық отбасылық құндылыққа қойылды. Отбасыны сақтап қалу, отбасындағы дауды шешу, бала тәрбиесі сынды шаралар тұрмыстық өмірге енді ғана қадам басқалы отырған жас жұбайларды тіркеуден бастап түсіндірілді. Елімізде ажырасу алдында тұрған 500 отбасы имамдардың ықпалымен сақталған. Сонымен қатар жыл басталғалы 100 миллион теңге көлемінде 6 мұқтаж отбасыға баспана алынған. Одан бөлек, ерлер, әйелдер және балаларға арналған 380 оқырмандар клубы ашылыпты. Шарада облыстағы 30-ға жуық бөлімнің атқарған 4 бағыт бойынша жұмыстары толықтай талқыланды. Жиын соңында өкілдік тарапынан наиб имамдар қала, аудан мешіттерінің жұмысына арнайы талдау жасалып, көрсеткіштеріне қарай баға берілді. Бас имам қайырымдылық шаралары мен діни рәсімдерді атқарып, әртүрлі бағытта халыққа қызмет жасағандары үшін барша имамдарға алғыс білдірді.Количество показов: 13
Дата создания: 04.12.2025 08:02:08
