Герцен көшесіндегі №17 үйдің тұрғындары жарықсыз қалды. Оған қоса біразының тұрмыстық техникалары істен шыққан. Тұрғындар бұған электр жарығымен қамтитын мекеменің жауапсыздығы себеп дейді. Материалдық шығындарын есептеп, сотқа бермекші. Электр қуатының шамадан тыс артуынан жарық өшкен кезде Райсадан өзге тұрғындар да зардап шеккен. Олар әзірге қандай техникаларының бұзылғанын білмейді. Жарықтың жануын күтіп отыр. Кейін есептеп қарап, кінәлі мекемені сотқа бермекші. Сәуір айының басында қоқыс жинайтын көлік тұрғын үйдің алдындағы электр кабелін үзіп кеткен. Алайда, тұрғындар жүк көлігінің жүргізушісін де, жауапты мекемені де іздемеген. "Ақтөбе электрмен жабдықтау" мекемесінің мамандары түстен кейін ескі кабельді 60-70 метрлік жаңасына ауыстырған. Бірақ, тұрғындардың жанған тұрмыстық техникаларының шығынын өтемейді. Себебі, олар бұған дейін кабельді үзген көлік иесін табуды ескерткен.