Бүгін Ақтөбеде футболдан облыс әкімінің кубогі үшін жасөспірімдер арасында V-ші халықаралық турнир мәресіне жетті. Дәстүрлі турнирге 8 команда қатысты. Қостанай, Шымкент облыстарымен бірге Өзбекстан мемлекетінен "Насаф", "Бунедкор" командалары келген. Төрт күнге созылған халықаралық турнир жеңімпазын бүгін облыс әкімі Оңдасын Оразалин марапаттады. "Бунедкор" командасының футболшыларына "500 мың теңгелік" сертификат табысталды. Барлық қатысушыларға доп салынған дорба сыйланды. Биыл бесінші мәрте облыс әкімінің кубогы үшін өткен 2005 жылы туған балалар арасындағы халықаралық футбол турнирі мәресіне жетті. Жарыста Өзбекстаннан келген «Бунедкор» командасы бірінші орынды жеңіп алып, кубокты иемденді. Финалда Өзбекстанның балғын футболшыларынан ұтылған жергілікті облыстық мамандандырылған балалар-жасөспірімдер олимпиада резерві мектебінің командасы екінші орын алды. Ал үшінші орын Өзбекстанның Ташкент қаласынан келген «Насаф» командасына бұйырды. Турнирге 8 команда қатысты. Халықаралық турнир жеңімпаздарын марапаттаған облыс әкімі Оңдасын Оразалин өңірде спорттың 86 түрі қарқынды дамып жатқанын жеткізді. 19 мың жас спортпен жүйелі айналысып отыр. Әсіресе жастар футболы қарыштауда. Турнирге қатысқан жас футболшылардың ешқайсысы сый-сияпатсыз қалмады. Кубок пен медаль иегерлерінен өзгелерге де естелік сыйлықтар тапсырылды. «Ақтөбелік» ардагерлер футбол клубы қоғамдық ұйымы халықаралық турнирдің ең үздіктерін анықтап, бағалы сыйлықтар тарту етті. Балғын футболшылар арасында "Турнирдің ең үздік қақпашысы", "Ең үздік қорғаушы", "Ең үздік жартылай қорғаушы", "Турнирдің ең үздік шабуылшысы" атақтарының иегерлері анықталды.