Есіктің алдына салынған жол-тұрғындарға кедергі келтіріп тұр

Қажетсіз жол. Қазанғап көшесі 46а үйдің алдына салына бастаған көлік жолына тұрғындар наразы. Жаяулар жолын сұраған олар мердігер осындай сый жасады деп отыр. Үйдің артында, қоқыс жәшігінің жанында жатқан көлік жолын ескерместен әкімдік 5 қабатты үйдің қақ алдына жол бастаған. Әлі асфальтталмай тұрғанда алып тастасын, дейді наразы топ. Енді бұл жермен күніне ондаған көлік жүреді. Жай емес, жүйіткіп өтеді. 5 қабатты тұрғын үйде 50 пәтер бар. Барлығының тұрғыны бар. Ойын жасындағы бала да көп. Олардың қауіпсіздігі аналарды да алаңдатады. Себебі, бүлдіршіндерді бірнеше рет жүйіткіген көлік қағып кете жаздаған. Тіпті, балаға шүйлігіп, айқайлайтын көлік жүргізушілері де көюейген. Оған қоса мердігер мекеме шағын аулаға екінші балалар алаңын салып бастаған. Ол бізге қажет пе?- дейді тұрғындар.
Тұрғын үй алдына жарықтандыру бағанасы бұрыннан 4 жерге орнатылған. Бұған дейін жарық мәселесі болмапты. Мердігер мекеме өкілдері алда тағы екі жарық бағанасын орнатамыз депті. Тұрғындардың сөзініше, шағын аулаға өте көп шаруа жасаудың қажет жоқ. Тек жаяулар жолын салып, ауланы қыста суға кетпейтіндей дұрыстап берсе болғаны. Ал, қалалық әкімдік өкілінің сөзінше, Қазанғап көшесіндегі жол күрделі жөндеуден өтеді. Былтыр күзде басталған жоба жұмысы биыл жалғасады. Мердігер мекеме - "Еңбек" серіктестігі. Алда жаяу жүргіншілер жолы жасалып, асфальт төселеді. Жобаның өзгеру, өзгермеуін нақты айтпады.

Количество показов: 19
Дата создания: 29.04.2025 10:36:07