Ерлік ешқашан ұмытылмайды!
9 мамыр - Ұлы Жеңіс күні. Екінші дүниежүзілік соғыста фашизмге қарсы күресте жеңіске жеткен күн. Бұл дата бұрынғы Кеңес Одағы елдері, соның ішінде Қазақстан үшін ерекше тарихи мәнге ие. 1945 жылы 9 мамырда Германия тізе бүгіп, соғыс аяқталғаны ресми түрде жарияланды. Ұлы Жеңістің 80 жылдығымен қатар Кеңес Одағының Батыры Ә.Молдағұлованың туғанына 100 жыл толды. Осыған орай, бүгін Батырдың ескерткіш кешеніне гүл шоқтарын қою рәсімі өтті. Шараға аймақ басшысы Асхат Шахаровпен қатар ҚР Табиғатты қорғау вице министрі, қала әкімі, қалалық және облыстық мәслихат депутаттары, Ауған соғысының ардагерлері мен бірнеше мекеменің қызметкерлері қатысты. Соғыста қаза тапқан батырларды еске алып, олардың ерлігін ұрпақ жадында сақтау - басты міндеттердің бірі. Әлия Молдағұлованың туыстары да батыр әпкелері туралы ата-әжелерінен естіп өскен. Бүгінгі шараға Әлияның бірнеше туысы келді. Естеліктерімен бөлісті.Бұл кезең - тарихты ұмытпай, бейбіт өмірдің қадірін бағалайтын кезең. Ардагерлерге алғыс білдіріп, ерлік дәстүрін жас ұрпаққа аманаттау сәті. Қаһарман қыздың ерлігіне қала тұрғындары да тағзым етті.
Количество показов: 16
Дата создания: 12.05.2025 12:50:46
