Ерекше балалар бочча теннисінен сайысты
Еламан Жолдыбай - 5-сынып оқушысы. Жасы 10-да. Бүгін ол өзінің ағасына қолдау көрсетіп келіп отыр. Өзі спортқа жақын бала, бүгін спорттың тағы бір жаңа түрін көріп, қиын болса да, қызықты, боччаның ұнағанын айтады. Бочча - қозғалыс мүмкіндігі шектеулі адамдарға арналған Паралимпиадалық спорт түрі. Бұл спорт негізінен церебралды сал ауруына және тірек-қимыл аппараты бұзылған азаматтарға бейімделген. Ойынның мақсаты - қызыл немесе көк түсті доптарды ақ нысана допқа мүмкіндігінше жақын орналастыру. Шараға қала мектептерінде білім алатын 10-16 жас аралығындағы мүгедектігі бар оқушылар мен олардың сыныптастары, ата-аналары, жетекшілері, қоғамдық ұйым өкілдері мен депутаттар қатысты. Турнирдің басты мақсаты- ерекше білім беру қажеттіліктері бар балалар мен жасөспірімдерде салауатты өмір салтын ұстануға және спортпен айналысуға ынтасын арттыру, спорттағы дарындылығын дамытуға және ашуға ықпалдасу,- дейді ұйымдастырушылар. Бочча спортында жоғары дәлдік, зейін және тактикалық ойлау маңызды рөл атқарады. Жарыстар жеке, жұптық және командалық форматта өткізіледі. Бұл спорт түрі инклюзивті қоғам құруға және мүмкіндігі шектеулі жандардың әлеуметтік бейімделуіне зор ықпал етеді.Количество показов: 19
Дата создания: 11.10.2025 11:22:57
