Ер есімі ел есінде!
Ердің ерлігі ешқашан ұмытылмайды, ұмытылмауыда керек! Ситинов Сагит Ерболатұлы интернационалист- жауынгер, Ауған соғысының ардагері әрі «Қызыл Жұлдыз» орденінің иегері. Бүгін батырдың есімі ұлықталып, өзі оқыған мектеп «Ясный» тұрғын алабы 1Г, Жалпы білім беретін орта мектебінің қабырғасына ілінді.Сағит Ерболатұлы 1987 жылы әскери қызметке шықырылған. Командир лауазымын атқарып, батырлығымен көзге түскен. Ауған шекарасында бірнеше әскери операцияларға қатысып, "Қызыл Жұлдыз" орденімен марапатталған. Батырдың көзін көрген замандастары оның ерлігін әлі күнге дейін ұмытпаған.Бұл салтанатты шараға батырдың көзін көрген замандастары жиналды. Сонымен қатар, Ауған соғысының ардагерлері де төбе көрсетті. Ардагерлер батырдың есімін ұлықтау жас ұрпақтың патриоттық сезімін оятады, деген пікірде. Сағит Ситинов Ауған соғысы кезінде алған жарақаттарының салдарынан 2016 жылы дүниеден озған. Ал, аталмыш мектепте 10 жыл бойы білім алған. Сол себепті Ауған соғысында бірге майдан кешкен жолдастары бүгін оның бейнесін өзі оқыған мектептің қабырғасына ілді. Осылайша, мектеп оқушыларына және жастарға үлгі көрсетпек. Әрине, Ер есімі ұмытылмауы тиіс!
Количество показов: 320
Дата создания: 01.05.2025 07:49:21
