«Энергожүй» серіктестігінің заңсыз талабы талқыланды

Шаһардағы «Арман» коттедж қалашығының құрылысы 2 жылдан бері тұралап тұр. Оған «Энергожүйе» серіктестігі техникалық шарт бермей отыр. Қалашық аумағынан өтетін бір ғана электр желісін көшіруге келісім жасаудың орнына, компания ұзындығы 3,5 шақырымдық басқа кабельді толық ауыстыруды талап еткен. Бұл жұмыстарға 100 млн теңгеден астам қаржы қажет. "Энергожүйенің" заңсыз талабы бүгін облыстық кәсіпкерлер палатасы жанындағы Кәсіпкерлердің құқықтарын қорғау кеңесінің кезекті отырысында талқыланды. Мамандардың сөзінше, монополия субъектісі тұтынушыларға жобамен байланысы жоқ қосымша талаптар қоя алмайды. Облыстық кәсіпкерлер палатасы жүргізген тексеріс нәтижесінде даулы кабельдің құрылыс жұмыстарына кедергі келтірмейтіні анықталған. Кеңес отырысында талқыланған тағы бір мәселе - жаңа Су кодексін қолданудағы қиындықтар. Биыл 10 маусымнан бастап елімізде Су кодексі күшіне енді. Ол азаматтарға су айдындарына еркін қол жеткізу құқығын береді. Дегенмен, іс жүзінде бұл норма кәсіпкерлер мен азаматтар арасында дау туындатыпты.
Количество показов: 22
Дата создания: 29.08.2025 10:30:12