Елімізде тауық жұмыртқасын импорттауға алты айға тиым салынды
Қазақстанда тауық жұмыртқасын импорттауға алты айға тиым салынды. Бұл шешім отандық өндірушілерді қолдауға бағытталған. Алайда қала тұрғындары қазірдің өзінде бұл өнімге бағаның қымбаттап кеткенін айтып, көңілдері толмайтынын жеткізді. Елде тауық жұмыртқасын шетелден әкелуге уақытша шектеу қойылды. Ауыл шаруашылығы министрлігінің бұйрығына сәйкес, тыйым 2026 жылдың 21 қазанына дейін жалғасады. Бұл шара ішкі нарықты қорғап, жергілікті құс фабрикаларын қолдауға бағытталған. Алайда баға мәселесі қара халықты алаңдатып отыр. Бүгінде қала дүкендерінде 10 дана жұмыртқаның бағасы 700 теңгеден 900теңге аралығында сатылуда. Бұл тұрғындардың қалтасына салмақ салып отыр. Мамандардың айтуынша, импортқа шектеу қою уақытша шара. Негізгі мақсат отандық өндірісті дамыту және ішкі нарықты тұрақтандыру. Дегенмен, сұраныс ұсыныстан асып кеткен жағдайда бағаның өсуі де жоққа шығарылмайды. Қазіргі таңда тұрғындарды алаңдатқан басты мәселе бағаның қолжетімділігі. Ал нарықтағы ахуал алдағы айларда қалай өзгеретіні белгісіз.Количество показов: 7
Дата создания: 28.04.2026 00:13:25
