Салық кодексіне енгізілген толықтырулар мен өзгертулерге сай, банк операцияларын жүргізетін қаржылық институттар мен ұйымдар салықтық борышы бар және әлеуметтік медициналық сақтандыру, зейнетақы қорларына жарна аудармай отырған тұлғаларға есепшот ашудан бас тартатын болады. Одан бөлек, осы адамдар 1-шілдеден бастап жұмысқа тұрса, жалақы ала алмайды. Өйткені, банктік картасына түскен ақшаға тиым салынады.
Салық кодексіндегі бұл өзгерістерге тұрғындардың дені қарсы. Өйткені, қарапайым халық несиеге күн көріп отыр. Баспана ғана емес, тұрмыстық техника, жиһаз бен киім-кешекті де несиеге алатындар салық мекемелеріне қарызы болса, енді бұл операцияларға қол жеткізе алмайды. Салық органдары екінші деңгейлі банктерге салықтық немесе әлеуметтік борышы бар тұрғындардың тізімін Ақтөбеде 20 мыңнан астам тұрғын салық пен айыппұлдарын төлемеген. Олардың ішінде жұмысшыларының зейнетақы қорына аударым жасамаған мекемелер де бар. Қалалық мемлекеттік кірістер басқармасы мыңдаған адамның есепшотын бұғаттап, олар шет елдерге шыға алмай қалған. Мамандардың айтуынша, тек қана көлік салығынан қарыз 280 млн.теңгені құрап отыр.