Құрашасайлық екі ару талтүсте пышақ жарақатынан зардап шекті. Қос бойжеткенге таныс жігіті пышақ сұққан. Облыстық полиция департаментінің мәліметі бойынша күдікті ақыл-есі кем адам ретінде ешқандай есепке алынбаған. Жүйке аурулары диспансерінде жатпаған. Күдіктіні жедел іздестіру шарасы жүріп жатыр. Сондай-ақ, Алға ауданында екі жыл бұрын жүргізуші куәлігінен айырылған 33 жасар тұрғын ұсталған. Көлікті мас күйінде жүргізген жігіттің көлігі айып тұрағына әкетілді. Және Хромтау ауданында көліктерін мас күйінде жүргізген 39 және 45 жастағы темір тұлпар иелері ұсталды. Тексеру кезінде қос жүргізушінің де жүргізуші куәлігі болмаған. Әйтеке би ауданының аумағында Өзбекстан азаматтары апатқа ұшырады. «Фольксваген Поло» көлігінің жүргізушісі рөлге ие бола алмай қалған. Оқиға 19 тамыз күні таңғы сағат жетіде болды. «Фольксваген Поло» көлігінің жүргізушісі Қостанай қаласынан Ақтөбеге қарай бағыт алып, Әйтеке би ауданының Әйке ауылынан 4 шақырым қашықтықта аударылып қалды. «Жол-көлік оқиғасы кезінде төрт адам, оның ішінде бір бала жарақат алды. Бір адам ауруханада көз жұмған. Өзгелері жабық бас-ми жарақатын алған. Кәмелетке толмаған қыздың бас-миы шайқалған. Бәрі дәрігердің бақылауында.