Еңбек ардагерлері марапатталды

Биыл Ата заңымызға 30 жыл толды. Осыған орай, Өнер орталығында жыл сайынғы дәстүр бойынша салтанатты шара өтті. Атаулы датаға орай мерейтойлық медальдар дайындалған. Төсбелгілерді аймақ басшысы Асхат Шахаров өңіріміздің төрт еңбек ардагеріне табыстады. Өңір басшысы салтанатты шарада "Мерейлі отбасы - 2025" ұлттық байқауының облыстық кезеңінің жеңімпаздарын да құттықтады. Барлығы аймақтағы ірі кәсіпорындардың қызметкерлері, көп балалы отбасылар. Солардың бірі - Телемесовтер отбасы. Байқаудың 3-орын жүлдегері. Отағасы Раулан Телемесов - Хромтаудағы Дөң кен байыту комбинатында бас геолог. 15 жылдан бері қызмет етеді. "Мерейлі отбасы" байқауына алғаш қатысып отыр. Марапаттау рәсіміне ата-анасы, жұбайы және 5 баласымен келген. Аймақ басшысы Асхат Шахаров байқау қатысушыларына отбасылық құндылықтарды насихаттап, көпке үлгі бола білгендері үшін алғыс білдірді. Бірнеше жанұя облыс әкімінің марапатына ие болды. Марапаттау рәсімінен соң меймандар өңірдің шығармашылық ұжымдары ұсынған мерекелік концертті тамашалады. Қрнақтар қатарында әскери қызметшілер, курсанттар, қоғам белсенділері, ардагерлер де болды.
Количество показов: 18
Дата создания: 30.08.2025 09:55:56