Депутаттар шаһардағы барлық жанармай құю бекеттерін тексеруді ұсынды
Депуттардың өтініші мынадай. Қала шегіндегі барлық автогаз және автожанармай құю станцияларына жоспардан тыс тексерулер жүргізу қажет. Ал талапқа сай келмесе нысандардың қызметін тоқтата тұру керек. Мұнымен кәсіпкерлер келіспейді. Құқығымыз тапталып отыр деп наразылықтарын білдірді. Кәсіпкерлердің ақпараты бойынша қаламызда жұмыс істеп тұрған барлық автогаз құю станциялары сәулет-қала құрылысы, санитарлық-эпидемиологиялық қорытындылар, өнеркәсіптік қауіпсіздік талаптарына сәйкестік актілер және өзге де қажетті құжаттарды қоса алғанда, рұқсат беру құжаттамасының толық жиынтығына ие. Сондықтан оларды тексеру үшін күрделі заң бұзушылық болу шарт,- дейді палатадағылар. Халық қалаулыларының бұл бастамасы бірқатар жағымсыз салдарға алып келуі мүмкін. Қала аумағында автогаз құю станцияларын жаппай жабу немесе уақытша тоқтату - автокөлікке арналған сұйытылған газ тапшылығы, кәсіпкерлердің табыс көзінен айырылуы, жұмыс орындарының қысқаруы, жүргізушілер мен тұрғындар арасында әлеуметтік шиеленістің күшеюі, көлік логистикасының бұзылуына кері әсер етуі мүмкін. Бұл мәселе, күнделікті тұрмыс пен экономикалық қызметтің тұрақтылығына тікелей ықпал ететіні анық. Осы мәселеге байланысты Кәсіпкерлер палатасы барлық уәкілетті мемлекеттік органдарға заңдылықты, пропорционалдылықты және кәсіпкерлік қызметке негізсіз араласуға жол бермеу қағидаттарын сақтай отырып, автогаз құю бекеттері мен жанармай құю станциялары нысандарына қатысты кез келген ұсыныс пен бастаманы объективті деректерге сүйене отырып қарастыруды ұсынды.Количество показов: 20
Дата создания: 26.06.2025 07:51:49
