Дауыл салдарынан сынған талдар әлі де жиналмай жатыр
Қатты желден кейін құлаған ағаштардың басым бөлігі тазартылғанымен, кейбір аумақтарда мәселе әлі де өзекті. Тұрғындар жел болған күндері үйлерінің терезесіне жақын орналасқан ағаштардың бұталары құлап, қандай да бір келеңсіз жайт орын алуы мүмкін деп алаңдайды. Қатты дауылдың салдарынан қаланың көп бөлігінде ағаштар тамырымен жұлынып, бұталары құлап, тұрғындарға біраз қолайсыздық тудырды. Бұл жайттың орын алғанына айтарлықтай біраз уақыт өтті. Тазарту жұмыстары да жүргізілген болатын. Десе де, әлі ағаштарды кесу, жинау жұмыстары жүрмеген аумақтар бар. Редакциямызға Ағайынды Жұбановтар көшесі, 295 үйдің тұрғыны хабарласып, аталған мәселе бойынша наразылығын білдірді. Көше бойынан ағаштардан құлаған және салбырап тұрған бұталарды көруге болады. Ағаштар пәтер жанына жақын орналасыпты. Қарт әжей "жел болған күндері терезеге тиіп, келеңсіз жайт орын алуы мүмкін", - деп қорқады. Тіпті осы үшін көз ілмейтінін де жеткізді. Айтуынша, қатты желден кейін сынған бұтақтар әлі күнге дейін алынбаған. Тұрғындар бұл мәселе бойынша бірнеше рет жауапты мекемелерге хабарласқан. Алайда нақты нәтиже болмағанын айтады. Ағаштар тек қауіп төндіріп қана қоймай, санитарлық жағдайға да кері әсер етіп отыр. Тұрғындардың айтуынша, бұтақтардың маңында маса мен түрлі жәндіктер көбейген. Осы себепті олар терезелерін де аша алмайтынын жеткізді. Тұрғын әкімдікке хабарласыпты, бірақ байланысқа шыға алмаған. Тұрғындар жауапты мекемелерден қауіпті ағаштарды мүмкіндігінше тезірек кесіп, ауланы қауіпсіз әрі таза қалыпқа келтіруді сұрайды. Тұрғындардың шағымына жауап берген тұрғын үй-коммуналдық шаруашылығы бөлімінің өкілдері бұл жағдайға пәтер иелері кооперативтері жауапты екенін айтады. Ағаштарды қоқыс алаңының жанына апарып қоя салмай, арнайы орынға шығару керектігін жеткізіп, өз міндеттерін жауапкершілікпен орындауға шақырды. Тұрғындар жауапты мекемелерден қауіпті ағаштарды мүмкіндігінше тезірек кесіп, ауланы қауіпсіз әрі таза қалыпқа келтіруді сұрайды.Количество показов: 12
Дата создания: 08.07.2026 06:03:43
