"Дүние дидарындағы Димаш"

"Димаш Құдайберген - феномен, ән өнеріндегі құбылыс",-деп санайды жанкүейерлері. Оның тек Қазақстанда емес, әлемнің түкпір-түкпірінен жанкүйерлері баршылық. Әншінің туған жеріне, еліне, мәдениетіне қызығып, қазақ тілін үйренуге ниеттеніп жүрген шетелдік азаматтар қатары жыл санап өсіп келеді. Бүгінгі көрмеге әншіге танымал тұлғалар сыйлаған қызықты дүниелер, бесігі мен кішкентай кезіндегі фото альбом қойылған.Димаштың шын есімі- Дінмұхаммед Қанатұлы Құдайберген,ол 1994 жылы 24 мамырда дүниеге келген. Витебск қаласында өткен XXIV Халықаралық эстрадалық ән орындаушылар «Славян базары-2015» байқауында Гран-приін жеңіп алған, «Халық сүйіктісі» Ұлттық сыйлығының лауреаты, «Қазақстан халқының бірлігін нығайтуға лайықты үлес қосқаны үшін» Қазақстан Республикасының Президенті Құрмет грамотасымен марапатталған, «ABU TV song» халықаралық фестивалінің қатысушысы болып табылады. Димаштың ата-анасы да елге танымал әншілер. Өнерлі отбасының перзенті. Көрме төрт бөлімге бөлінген. Әртістің өмірбаяны, өскен ортасы балалық шағы мен шығармашылық жолынан сыр шертетін «Шабыт көздері» бөлімі. Екінші бөлімі «Даңққа апарар жол» , мұнда әншінің кәсіби жетістіктері жайлы мәлімет берілген. Ал «Жанкүйерлер махаббаты» атты бөлімде Димашқа әлемнің түкпір-түкпірінен жеткен сый-тартулары қойылған. «Ұлт мәдениетінің жаршысы» атты бөлімде Димаштың әлемдік аренада ұлттық мәдениет пен брендтің танылуына ықпал ететін заттары, яғни ұлттық музыкалық аспаптар, ұлттық костюмдері, баспа материалдары және т.б. қойылған.
Количество показов: 538
Дата создания: 25.10.2024 05:50:52