Болашақ дәрігерлер қарттарға тіс сыйлады
№1 Әлеуметтік қызмет көрсету орталығында бүгін тағы да мереке. Қариялар мерекеде сыйлықтан құр қалмады. Бүгін қарттар үйінде тұрып жатқан екі қарияның тістеріне протез салынды. Қазыналы қарттарға көмек беру жылдағы үрдіс,-дейді колледждегілер. Колледж студенттері қарттар үйіне жиі келіп, ерікті ретінде көмектесетінін айтады. Қарттардың қан қысымын өлшеп, инъекциялар салып көмектеседі екен. Бұл бір жағынан медицина саласында оқып жатқан студенттерге тәжірибе, бір жағынан үлкен кісілерге көмек. Қайырымды жұмыстар одан әрі қарай жалғасатынын атап өтті колледж маманы. Қарттарға көмек беру - әрбір адамның міндеті деп санайды жастар. Үлкенді сыйлау - ұрпақтың ізеттілік пен адамгершілікке тәрбиеленуінің кепілі. Түрлі тағдыр тауқыметіне тап болған қариялар бұл жерге деніне саулық, жүрегіне жұбаныш іздеп келеді. Сондықтан мұндай іс шаралар қариялардың бір күндік өміріне болсын, қуаныш сыйлайтыны рас.Количество показов: 19
Дата создания: 02.10.2025 09:37:44
