Биыл аймақта 31 адам АИТВ жұқтырған

Ғасыр жертіне айналған АИТВ-ға тестілеуден өткендер саны жыл санап артып келеді. Бір жыл ішінде облыстың әрбір бесінші тұрғыны өзінің АИТВ-статусын анықтаған. Жұқпалы ауруды диагностикалауда заманауи зертханалық технологиялар қолданылады. Бұл- ауруды ерте сатысында анықтауға мүмкіндік береді. Әсіресе, уақтылы емдеуді бастау және инфекцияның берілуіне жол бермеу үшін өте маңызды. Тестілеуден бастап емдеуге дейінгі барлық қызметтер тегін жүреді. АИТВ - мен өмір сүретін адамдардың жағдайы құпия түрде сақталады. Жыл басынан бері облыста АИТВ-инфекциясының 31 жағдайы анықталды. Оның 25-сі ер адам, алтауы әйел. Анықталғандардың 27-і жұқпалы ауруды жыныстық жолмен жұқтырса, үшеуі инъекциялық есірткі қолданғаннан дертке шалдыққан. АИТВ-ға шалдыққандардың жас ерекшелігі 20 мен 60 жас аралығындағылар. Бұл көрсеткіш былтырғы жылмен салыстырғанда 9,6%-ға өсіп отыр. Ақтөбе АИТВ-инфекциясының таралуы бойынша елімізде төмен өңірлер қатарына жатады. Жалпы, 1989 жылдан бастап облыста ғасыр дертімен өмір сүретін 605 адам тіркелген. Жыныстық жолмен жұқтырғандар саны басым. 15 жастан 49 жасқа дейінгі облыс тұрғындары арасында АИТВ-ның таралуы 0,13% құрап отыр.
Количество показов: 176
Дата создания: 05.07.2025 04:30:23