"Bilim Fest" қайырымдылық фестивалі өтті

Шаһарда "Bilim Fest" қайырымдылық фестивалі өтті. "Мейірім мен білімнің көпірі" ұранымен өткен қайырымдылық іс-шарада жиналған қаражат өмірлік қиын жағдайда қалған оқушыларға арналып, олардың ҰБТ-ға дайындық курстарын төлеуге жұмсалады. "Bilim Fest" қайырымдылық фестивалі аясында қайырымдылық жәрмеңкесімен қатар балалар мен ата-аналарға арналған шеберлік сабақтары өтті. Жиналған жұрт концерттік бағдарлама мен шығармашылық қойылымдарды тамашалады. Одан бөлек, ойын-сауық алаңдарында отбасылық демалыстарын да тиімді өткізді. Жаңбырлы ауа-райына қарамастан тұрғындар көп жиналды. Фестивальдің басты мақсаты - балалардың білімге деген құштарлығын оятып, олардың болашағына жол ашу дейді ұйымдастырушылар. "Көп түкірсе - көл" демекші, әрбір тұрғынның қосқан үлесі үлкен игі іске айналады. Жиналған қаражат жасөспірімдердің сапалы білім алып, өз армандарын жүзеге асыруына сеп болады. Осыған орай, ұйымдастырушылар барша ақтөбелікті қайырымдылық шарасына қатысып, игі іске үлес қосуға шақырады.
Количество показов: 20
Дата создания: 09.09.2025 08:02:21