Бейбітшілік даңғылындағы сквер жұмыстары аяқталуға жақын

Қалада тұрғындардың жайлы демалысына арналған тағы бір қоғамдық кеңістік ашылмақ. Бейбітшілік даңғылы бойында жаңа сквердің құрылысы қарқынды жүріп жатыр. Нысан жақын күндері пайдалануға берілмек.Тұрғындардың тынығып, серуендейтін жаңа қоғамдық кеңістіктер саны артып келеді. Қаладағы Бейбітшілік даңғылы бойында салынып жатқан сквердің құрылысы соңғы кезеңге аяқ басты. Жобаны жеке инвестор есебінен "Әлихан Ойл" серіктестігі жүзеге асыруда. Компания өкілінің айтуынша, соңғы күндері қолайсыз ауа-райы жұмыстарына кедергі боған. Әйтсе де бүгін жұмыстың қарқынды жүріп жатқанына куә болдық.
Аумақты көгалдандыру үшін 37 метр тереңдікте ұңғыма қазылып, автоматты суару жүйесі жүргізілген. Бұл гүлдер мен жасыл желектерді тұрақты күтіп-баптауға мүмкіндік береді. Жаңа сквер аумағында 2 мың шаршы метрден астам жерге тас төсеуіш төселіп, жарық шамдары мен орындықтар орнатылады. Сонымен қатар бұрын егілген ағаштарды сақтау және жаңғырту жұмыстары да қолға алынған. Қала әкімінің бастамасымен биыл 26 скверді жаңғырту жұмыстары қолға алынған. Ал Бейбітшілік даңғылына жауапты жоба жетекшісінің айтуынша, былтыр "Керуен сити" сауда-ойын сауық орталығының жанынан жаңа сквер салғаннан соң, осы Бейбітшілік даңғылы бойындағы аталған гүлзарды салуға ұсыныс жасаған. 

Количество показов: 19
Дата создания: 03.06.2026 07:42:51