Кеше кешкілік Тұрғын қалашық ауданында бірнеше балкон өртенді. Қызыл жалын Бейбітшілік даңғылы №1-үйдің алдымен 3-қабатында тұтанып, кейін 4,5, және 6-қабаттарға жайылған. Өрттің салдарынан 44 жастағы әйел түтіннен уланып, облыстық жедел жәрдем ауруханасына жеткізілген. Оқиға орнынан 6 адам қауіпсіз жерге шығарылды. Өрт себебі анықталуда.
Қазір өрттің себебін анықтау үшін зертханалық талдаулар тағайындалған. Облыстың төтенше жағдайлар департаменті ақтөбеліктерге өрт қауіпсіздігі ережелерін сақтауға кеңес береді. Өрт шыға қалса дереу "101" немесе "112" нөмірлеріне хабарлау керек.