Пара беру, пара алу да қылмыс екенін күн сайын түсіндіріп, мемлекеттік қызметкерлердің сөйлеу мәнері мен өз-өзін ұстауын жіті қадағалайтын департамент бүгін облыстық мәслихат депутаттарының алдында есеп берді. Облыстық мәслихаттың кеңейтілген отырысына облыстағы департамент басшылары түгел жиналған. Себебі, олардың жұмысында кемшілік көп. Мәселен, қарапайым қателік. Басқарма басшылары интернет ресурстарға көңіл аудармайды. Сайт беттерінде сұрақ-жауап бөлімі мүлде қарастырылмаған. Ал сыбайлас жемқорлыққа қарсы күрес бағытындағы материалдардың пайдасы аз. Әрі сенім телефондарына сенім жоқ. Көбі ескі нөмірді өзгертпеген.
Сыбайлас жемқорлыққа қарсы күрес жұмыстарын өткізуде басқарма басшылары көзбояушылыққа барады. Мәселен, табиғи ресурстар және табиғатты пайдалануды реттеу, индустриялық-инновациялық даму секілді белді басқарма басшылары жоспарды орындауға асығып, былтыр өткен жиын, шараны биыл өтті деп есеп берген. Көрі адамдарды есеп үшін ғана жинайды. Облыстық мәслихаттың кеңейтілген отырысында мемлекеттік бағдарламалардың орындалуы мен бюджет қаржысының игерілуі сөз болды. Облыстық білім басқармасының басшы Сәуле Өмірбекованың сөзіне сүйенсек, қазіргі уақытта 34 білім беру нысанында жөндеу жұмыстары жүргізіліп жатыр. Сонымен қатар, денсаулық сақтау, спорт басқармаларының басшылары есеп берді.