Облыста балалардың жарақат алу дерегі көбейіп барады. Қазір облыстық балалар ауруханасы түрлі деңгейде жарақат алған кішкентай науқастарға толы. Дені-ата-аналарының бақылауынсыз қалып, оқыс жағдайға ұшыраған. Жазатайым терезеден құлаған балалар да бар. Облыстық балалар ауруханасының жарақат бөлімінде жатқан балалардың бірі қолын сындырып, енді бірі аяғын жаралап алған. Велосипед теуіп жүріп құлап қалғандары да баршылық. Бассейнге секіремін деп жарақат алған балғындар да бар. Ал мына 1 жастағы бүлдіршін абайсызда ас үстелінен құлаған.
Жыл басынан бері облыстық балалар аурханасына 6436 бала түскен. 132 бүлдіршін жол-көлік апатынан зардап шеккен. Бұл өткен жылдың сәйкес мерзімімен салыстырғанда 3,1 пайызға көп. Ақ халаттылар көбіне баласын қадағалаусыз қалдырған ата-аналарды кінәлайды. Облыстық балалар аураханасынының травматология бөліміне күн сайын 10-15 бала түседі. Олардың жасы 1 мен 15 аралығында. Палаталар әткеншек, сырғанақтан құлап жарақат алған балғындарға толы. Бүгін жол-көлік апатына ұшырап, бел, мойын омыртқасы сынған 3 бүлдіршінге ота жасалған. Қолы жететін жерде тұрған марганец, химиялық жуғыш заттарды су деп ішіп уланып қалған ойын балалары да бар. Оларды емдеп жазу да оңай емес. Сондықтан да, бақытсыз оқиғаның бетін аулақ қылсын десеңіз, бауыр еті-балаңызға көзіңіздің қарашығындай қараңыз деп ескертеді.