Өткен сенбіде Шалқар ауданындағы Біршоғыр қиыршық тас зауытының жаңа желісі іске қосылды. "Теміржол жөндеу" ЖШС-іне тиесілі жаңа желі ұсақ фракциялы қиыршық тас өндіреді. Өндіріс қуаттылығы жылына 2,5 млн. тонна. Шараға облыс әкімі Бердібек Сапарбаев қатысты. "Теміржол жөндеу" ЖШС-іне тиесілі жаңа желі ұсақ фракциялы қиыршық тас өндіреді. Бұған дейін ірі фракциялы қиыршық тас шығарып келген зауыт қолданыстағы ДСК-350 қондырғысын өзгертіп, заманауи ұнтау жабдығын қолдану арқылы ДСК-300 технологиялық желісін құрды. Жаңа желі Түркияның арнайы құралдарымен жабдықталған. Басқару жүйесі автоматтандырылған зауыт мамандары да арнайы сол елде білім алып келген. Солардың бірі бас оператор Әсет Дүйісев. Жыл басында түрік елінің қиыршық тас өндіретін зауыттарын аралап, мамандарымен тәжірибе алмасқан. Өнеркәсіптік және азаматтық құрылысқа қажетті қиыршық тастың жаңа өндірісін жолға қоюға мүмкіндік беретін жобаға 1 млрд. 300 мың теңге қаржы жұмсалған. Өндірісті аралап көрген Бердібек Сапарбаев зауыт басшыларына қиыршық тас қалдықтарын да пайдалануды тапсырды.