"Нұр Ақтөбе" ауданы күн санап өсіп келеді. Қазір 4 шағын ауданға бөлінген. Осы төрт шағын ауданның тұрғындарын №2, 51, 52 автобустар тасиды. Алайда, жолаушылар көліктерінің қызметіне "нұрақтөбеліктер" наразы. Қарашаның 20-сынан бері осы үш автобус өзгерген бағытпен қатынап жүр. Тіпті, көлік жүргізушілері өз білгендерін істеп отыр,- деп ашынады халық. Себебі, белгіленген аялдамаға тоқтамай кетеді. Ал, жұрт автобустардың жолын сағаттап тосуға мәжбүр.Бұрын "Нұр Ақтөбе" ауданының ішіне кіретін көліктер енді бір ғана жолмен қатынайды. Яғни, қаптаған үйдің арасына кірмейді. Ал, бұл өзгеріс тұрғындарға қиындық туғызып отыр. Бірнеше шақырым жаяу жүріп аялдамаға келулері қажет. №2, 51, 52 автобустардың үшеуі де қалалық жолаушылар автокөлігі кәсіпорынына тиесілі. Бұрын ауданға "Автопарк" ЖШС-інің қоғамдық көліктері де қатынайтын. Алайда, жергілікті билік қалалық жолаушылар автокөлігі кәсіпорынының көліктеріне кедергі болмасын деп, "Автопарк" автобустарына бұл жақпен жүруге тиым салған. Онымен бәсекелестік жойылмады. Бір мекемеге тиесілі болса да "Нұр Ақтөбеге" қатынайтын үш бағыттағы автобуст бір-бірімен жарысуды қоймаған. Жолаушылар автокөлігі кәсіпорнына қатысты даудың басы бұл емес. Бұған дейін де тұрғындар шағымданған болатын. Бірақ, мәселе шешілмей келеді.