Бүгін- дүниежүзілік пневмониямен күрес күні
Бүгін - Дүниежүзілік пневмониямен күрес күні. Бұл күн өкпе қабынуының қауіптілігін еске салып, жұқпалы аурулардың алдын алу маңызын арттыру мақсатында атап өтіледі. Бұл күні мамандар халықты денсаулығына жауапкершілікпен қарауға және аурудың алғашқы белгілерін елемеуге шақырады. Пневмония – әлем бойынша кең таралған аурулардың бірі. Ол көбіне вирустар мен бактериялардан пайда болып, тыныс алу жүйесін зақымдайды. Дүниежүзілік денсаулық сақтау ұйымының дерегінше, жыл сайын миллиондаған адам осы дерттен зардап шегеді, соның ішінде балалар мен егде жастағылар ең осал топқа жатады. Ақтөбелік дәрігерлердің айтуынша, аурудың алғашқы белгілері – дене қызуының көтерілуі, жөтел, ентігу және кеуде тұсының ауруы.Мамандар суық тию мен тұмауды асқындырмай, уақтылы емделудің маңыздылығын атап өтеді. Сондай-ақ, дұрыс тамақтану, таза ауада серуендеу және иммунитетті күшейту – пневмонияның алдын алудың ең тиімді тәсілдері. Мамандар әр азаматқа өз денсаулығына жауапкершілікпен қарап, суық күндері жылы киініп, вирустық инфекциядан қорғануға кеңес береді.Ал ауру белгілері байқалған жағдайда, өзін-өзі емдемей, дереу дәрігерге қаралған жөн.Количество показов: 8
Дата создания: 13.11.2025 07:04:33
