Қазір елімізде тұмау өршіп тұр

Әсіресе балалардың арасында ауырып, ауруханаға түсіп жатқандар көп. Мысалы елімізде маусымдық А тұмауының бірнеше жағдайы тіркелді. Дәрігерлердің айтуынша аймақта тұмаумен ауыратындардың тізімі жылдағыдай. Санитар-дәрігерлер алдын алу шараларын күшейтіп жатыр, ал сала мамандары вакцина салдырып, иммунитетті күшейтуге кеңес береді.
Тұмау – бұл вирус, өткір респираторлық инфекция, яғни тыныс алу жолдарының ауруы. Тұмау вирусы жұқпалы және адам ағзасына түссе өршіп кетуі мүмкін. Тұмау вирустардың бірнеше түрінен туындаған инфекция. Жедел респираторлы вирустық инфекция (ЖРВИ) – ең кең тараған жұқпалы аурулардың бірі. Оның тұмауға ұқсас клиникалық көрінісі бар көптеген ауруларды қамтиды, бірақ 200 -ден астам мүлде басқа вирустар бұл ауруды тудырады.
Тұмауда дене температурасы көтеріледі, дене қалтырайды, әлсіздік пайда болады, бұлшықеттер мен буындар ауырсынады, бас ауырады, көзден жас ағады, құрғақ жөтел пайда болып мұрыннан су ағады. Тұмауда жиі түшкіреді. Кейде жүрек айнуы, құсу, диарея қосылады. Екінші күні жөтел мен кеуде ауыруы пайда болады. Адам жарыққа сезімтал болады. Тұмау вирусының қан тамырларын зақымдайтынын ескере отырып, қызыл иек пен мұрыннан қан кету мүмкін. Тұмаудан қалай қорғанамыз? Жұқтырып алсақ не істейміз?
Ақ халаттылардың айтуынша, тұмаудың алдын алу үшін вакцина алу керек. Себебі тұмау жыл сайын көптеген елдерде эпидемиялық таралуға жататын жаһандық инфекция болып саналады. ДДСҰ тұмау жөніндегі сарапшыларының мәліметтері бойынша, әлемде жыл сайын эпидемия кезінде халықтың 5 - 15 пайызы ауырады. Қазақстанда, әлемнің басқа елдеріндегідей тұмау және ЖРВИ денсаулық сақтаудың өзекті мәселелерінің бірі. Инфекциялық аурулардың құрылымында тіркелген инфекциялық аурулардың 90 пайызға жуығы осы инфекцияларға келеді.

Количество показов: 196
Дата создания: 11.11.2025 13:03:20