Аймақта ірі цемент зауытының құрылысы басталды

Аймақта ірі цемент зауытының құрылысы басталды. Алға ауданындағы "AqtobeCem" жаңа өндіріс орнын тікелей шетелдік инвесторлар қаржыландырады. Яғни, жоба әлемдегі ең ірі цемент өндірушілердің бірі West China Cement компаниясымен бірге салынып жатыр. Шикізаттың өз өңіріңнен шыққаны әрине қуантады. Қаншама жұмыс орны ашылып, жұмыссыздар еңбекпен қамтылады. Тек өңір экологиясына кері әсерін тигізбесе болғаны,- дейді қала тұрғындары. Жаңа цемент зауыты 500-ден аса адамды тұрақты жұмыспен қамтиды. Сонымен қоса, облыс қазынасына 120 млрд теңге қаржы құйылады деп күтілуде. Өндіріс орны жылына 2 млн тонна цемент шығаруға қауқарлы. "Бұл көлем еліміздің батыс өңірлеріндегі қажеттілікті толық қамтамасыз етуге мүмкіндік береді" дейді шенділер. Зауыт 2026 жылы қарашада іске қосылады. Облыс әкімдігі жобаға толық қолдау көрсетіп, қажетті инфрақұрылыммен қамтамасыз етуде. "Бұл жоба – өңіріміздің әлеуметтік-экономикалық дамуына тың серпін беретін бастама. Жаңа зауыттың іске қосылуы Ақтөбенің инвестициялық тартымдылығын арттырып қана қоймай, халықты сапалы жұмыс орындарымен қамтамасыз етеді", – деді облыс әкімінің орынбасары Абзал Әбдікәрімов.
Количество показов: 32
Дата создания: 25.09.2025 07:23:27