Аймақта меркелік шаралар 340-тан астам нысанда өседі
Аймақта жаңа жыл мерекесіне дайындық қызу жүріп жатыр. Мерекелік іс-шаралар 340-тан астам нысанда өткізіледі. Облыстағы орталық саябақтарға құрылған шыршалар саны - 18. Бүгін облыстық ТЖД мамандары өрт қауіпсіздігі және пиротехниканы қауіпсіз пайдалану ережелерін пысықтады. Төтеншеліктер 250 нысанда түсіндіру жұмысын жүргізген. Тексеру нәтижесінде өрт қауіпсіздігі талаптарының 450 бұзушылығы анықталып, олар сол жерде жойылды. Одан бөлек, балалар қатысатын жаңа жылдық шаралар да ерекше бақылауда. Кезекшілікке 80 офицерлік құрам тартылған. Олар мереке қарсаңында пиротехникалық құралдарды қолданудың ережелерін сақтау тәртібін түсіндірді. Пиротехникалық құралдардың сатып алу барысында лицензияға мән беру керек. Тек рұқсат берілген жерлер де ғана қолдануға болады. Жыл басынан бері облыс аумағында 560 өрт тіркелген, салдарынан 8 адам қаза тауып, 11 адам түрлі деңгейде жарақат алған. Материалдық шығын 210 миллион теңгеден асады. Өрттердің басым бөлігі тұрғын үй секторында болған. 242 дерек. Сондай-ақ көлік құралдарында да 197 өрт тіркелген. Қалада жаңа жыл қарсаңында өрт қауіпсіздігі күшейтілді, мерекелік нысандар мен іс-шаралар бақылауда деп хабаралайды төтенше жағдайлар департаментінің өкілдері. Тұрғындарды жаңа жылдық мереке кезінде өрт қауіпсіздігі ережелерін қатаң сақтауға шақырды.Количество показов: 7
Дата создания: 27.12.2025 07:23:53
