Аймақта эпидемиологиялық жағдай тұрақты
Аймақта эпидемиологиялық жағдай тұрақты. Өткен 7 айда аса қауіпті жұқпалы аурулар анықталмаған. Бұл туралы бүгін облыстық санитарлық-эпидемиологиялық бақылау департаменті басшысының орынбасары мәлімдеді. Өңірде 2023-2024 жылдары қызылша, көкжөтелмен ауырғандар саны артқан. 2023 жылы қызылшамен - 2179 ауырса, былтыр 3770-тен астам жағдай тіркелген. Биыл қызылша ауруын жұқтырған 6 жағдай анықталды. Көкжөтелмен ауырғандар саны - 14. Жыл басынан бері аймақта тағам, білім беру және сумен жабдықтау нысандарында жаппай улану мен жұқпалы ішек аурулары да тіркелмеген. Биыл өңірде 99 пайызға жуық халық орталықтандырылған суымен қамтамасыз етілді. Осыған орай, департамент мамандарымен ауыз судың сапасына тұрақты санитариялық-эпидемиологиялық мониторинг жүргізіліп тұрады. Мониоринг барысында микробиологиялық көрсеткіштерге 723 ауыз су сынамасы зерттелген. Нәтижесі таза. Жаңа оқу жылында облыста 70 200-ден астам бастауыш сынып оқушысы тегін ыстық тамақпен қамтылады. 427 мектептің 401-інде асхана, ал 19-ында қосымша буфет бар. 6 мектепте балалар кейтеринг қызметі арқылы тамақтандырылады.Количество показов: 20
Дата создания: 20.08.2025 07:28:16
