Аймақта егін жинау науқаны басталды

Аймақтың астықты алқаптарында орақ қызып жатыр. Қазір барлық аудандарда егін жинау жұмыстары қарқын алған. Диқандар ауа-райының қолайлығын пайдаланып, қамбаны астыққа толтырып жатыр. Өңірде бүгінге дейін дәнді-дақылдың 115 мың гектары жиналды. Қамбалар 117 мың тонна өнімге толды. Жиналған астықтың орташа өнімділігі 10 центнерді құрайды. Биыл өңірдегі дәнді-дақылдар мен егін жинау алқабы 426 мың гектарды алып жатыр. Майлы дақылдар 60 мың, картоп және көкөніс, бақша дақылдары 6 мың гектар жерге егілген. Нұрбек Райымбаевтың сөзінше, күзгі орақ жұмыстарына қажетті техникалар мен дизель отынының көлемі жеткілікті. Қамбалардың жалпы сыйымдылығы 685 мың тонна. Барлық астық қабылдау кәсіпорындары газ және дизель отынын пайдаланатын астық кептіргіш машиналармен, жанар-жағар май отындарымен жабдықталған.
Количество показов: 17
Дата создания: 29.08.2025 10:26:56