"Автопарк" ЖШС-нің паркі жаңа автобустармен толықты. 20 көліктің 10-ы ПАЗ маркалы, қалған жартысы ГАЗ Некст газельдері. "Автопарк" серіктестігі паркін толықтай 2015-ші жылы жаңалады. Ол уақытта қалаға Ресейде шығарылған ПАЗ маркалы 100 автобус жеткізілген. Одан кейін 2017-ші жылы 20 ПАЗ қосымша сатып алды. Бұрын ПАЗ-дар 9 миллион теңге тұрған. Қазіргі бағасы екі есе қымбат. Жуырда "Автопарк" әрқайсысы 17 миллион теңгенің 10 ПАЗ-ын және 9 миллион теңгеден 10 газель "Next" қоғамдық көліктерін сатып алған. Қаланың ішімен қатынауға осындай шағын автобустар ыңғайлы дейді Руслан Жылқаманов. Үлкен сыйымдылықтағы автобустарға көшу үшін алдымен жолдарды кеңейту қажет. Ал сатып алынған жаңа газель алдыңғыларынан бөлек. Салоны кең, 16 орындық. Әрі төбесі биік. Енді осы қоғамдық көліктердің рөліне отыратын жүргізушілер қажет. Жаңа көліктер қала бойынша автобус аз қатынайтын бағыттарға жіберіледі. Мониторинг жүргізіліп жатыр. Автобустар "Вираж" серіктестігі арқылы Ресейден жеткізілген. Газельдер мен ПАЗ-дар бөліп қайтаратындай етіп, қарызға алынған.