Ауған соғысының ардагерлері жалғызбасты қарияға көмек берді. Марқұм Александр Ивановтың майдандас достары, ауған соғысының жауынгерлері Галина Иванованың үйіне жөндеу жүргізіп жатыр. Бір бөлмелі пәтердің едені жаңартылып, қабырғаға түсқағаз жапсырылуда. Галина Иванованың ұлы 1983 жылы әскерге алынып, кейіннен Ауғанстанға жіберілген. 19 жасында Александр Иванов Ауған жеріндегі соғыста ерлік көрсетіп, оққа ұшады. Қаза болған жауынгердің ерлігі әлі күнге аңыз. Ұлымнан айрылсам да, менің бүгінде 900 батыр ұлым бар. Олар мені бір сәтке болса да ұмытқан емес, дейді кейуана. Бір бөлмелі пәтерге бүгін жаңадан еден төселіп жатыр. Ертең қабырғаға түсқағаз жапсырылады. Жиналған қаржы жетсе, қонақ бөлме мен ас үйдің есік пен терезелері ауыстырылатын болады. Жалғызбасты анаға көмектесуге ауған соғысының жауынгерлері құлшыныс білдіріп отыр. Қала мен аудандарда ауған соғысы жауынгерлерінің артында қалған жеті жалғызбасты ана тұрып жатыр. Оларға қауымдастық тарапынан жүйелі көмек көрсетіліп тұрады.