Осыдан 33 жыл бұрын кеңес әскері Ауғанстан жерінен шығарылды. Бұл дата бұрынғы Кеңес Одағының құрамында болған барлық мемлекеттерге ортақ. Таңмен ақтөбелік ауған соғысының ардагерлері де қаланың орталығында 2006-шы жылы тұрғызылған ескерткіш басына жиналды. Қаралы митингке жиналғандар естеліктерімен бөлісті. Осы күнге жетпеген қаруластарын еске алды. Ескерткішке тағзым етті.Бүгін Кеңес Одағы әскерінің Ауғанстаннан шығарылғанына 33 жыл толды. Ақтөбелік ауған соғысы ардагерлері майданда мерт болған қаруластарын еске алды. Қаланың ортасында 2006-шы жылы орнатылған ескерткіш жанында қаралы митинг өтті. Сол кездегі сарбаздар, қазіргі жігіт ағалары естеліктер айтып, жат жерде жанын пида еткен қаруластарының рухына тағзым етті. Ардагерлер 33 жыл өтсе де сол соғыстың зардабын әлі тартып келеді. Соғысқа қатысқандардың денінің денсаулықтарында кінәраты бар. 1979-1989 жылдар аралығында Ауғанстанда 1722 ақтөбелік сарбаз әскери борышын өтеген. Соның 26- сы соғыс алаңында қаза тапса, біреуі із-түссіз жоғалып кеткен. 58-і елге мүгедек болып оралды. Солардың 4-і бірінші топтағы мүгедек. Қазір облыста 855 ауған соғысы ардагері тұрады. Ауған жеріндегі соғыстан оралғандардың дені мүгедек. Жұмысқа жарамсыз болып қалған. Олар мемлекеттен тиісті жәрдемақы алады. Үй кезегінде 100-ден аса ауған соғысының ардагері тұр. Оларға пәтер жұртпен бірдей кезекпен беріледі. Майдандастар әр даталы күндері ескерткіш басына жиналып бас қосуды әдетке айналдырған. Ардагерлер шүйіркелесіп, достарын сағынышпен еске алады. Шара барысында ерлік иелері болашақ жас ұрпақты өз елін сүюге, отанын қорғауға, үлкенге құрмет көрсетуге шақырды. Сұрапыл күндерден естеліктер айтып берді. Статистикалық мәліметтерге сүйенсек, Ауған соғысына 22 мың қазақстандық қатысса, олардың 761- і ұрыс даласында қаза тапқан. 21 отандасымыз іс-түзсіз жоғалды.