Қаржыгерлер марапатталды

"Әрбір мемлекеттің дамуы мен экономикалық тәуелсіздігі қаржы саласына тікелей байланысты". ҚР қаржы саласы қызметкерлерінің кәсіби мерекесінде сөз сөйлеген өңір басшысы Б.Сапарбаев осылай деді. Ғ.Жұбанова атындағы облыстық филармонияда өткен салтанатты жиынға 200-ге жуық сала қызметкері қатысты. Бүгін 10 адам облыс басшысының алғыс хатына ие болды. Марапатталғандардың арасында ғұмырының тең жартысын банк саласына арнаған ардагерлер бар. Салтанатты шара Ғ.Жұбанова атындағы облыстық филармония ұжымы әзірлеген мерекелік концертке ұласты. Облыста екінші деңгейлі 20 банк жұмыс істейді. Ал аудан орталықтарында банктердің 22 филиалы бар. Төл теңгеміздің туған күні қаржыгерлердің де мерекесі. Ертең ұлттық валютамыздың айналымға енгеніне 23 жыл толады. 
Количество показов: 2769
Дата создания: 14.11.2016 18:21:17