Арнайы штаб құрылды

Ақтөбенің өнеркәсіптік аймағындағы қатты тұрмыстық қалдықтар полигонындағы өрттен кейін оқиға орнына шаһар басшысы Азамат Бекет барды. Қоқыс полигонында кеше өрт сөндірілгенімен, қызыл жалын болған 0,5 гектар аймақ әлі түтіндеп жатыр, дейді қала әкімі. Осыған орай, арнайы штаб құрылған. Өрттің қайта тұтануының алдын алу жұмыстары жүріп жатыр. Өрттің шығу себептері анықталып жатыр. "Қоқысты біреулер әдейі өртеді" деген бейресми ақпарат та тарады. Азамат бекет бұл нұсқаның да тексерілетінін айтты. Дегенмен, тұрғындардан ресми емес ақпаратты таратпауды сұрайды. Қалалық әкімдік мәліметінше, өртенген ескі полигон емес. Бұрынғы ескі полигон екі жыл бұрын консервацияланып жабылған. Өрт оның жанындағы қоқыс полигонынан шыққан. Естеріңізге салайық, кеше таңда қоқыс полигонан өрт шығып, оны сөндіруге жеке құрамнан 70-ке жуық адам және 30-дан аса техника жұмылдырылды.
Количество показов: 106
Дата создания: 05.09.2025 07:54:05