Бүгін әлем бойынша армян халқы 1915-1923--ші жылдар аралығында Осман империясында қырылған ата-бабаларын еске алып жатыр. Армян геноцидіне биыл 105 жыл. Соның 100 жылында бұл ұлт тарихи зұлматты мойындата алмай келеді. Бірінші дүниежүзілік соғыс уақытында босқынға айналған армяндардың бір бөлігі Қазақстанда тұрақтап қалды. Өңірлердегі Қазақстан халқы ассамблеясы ғимараттарында армян ұлттық мәдени орталықтары жұмыс жасайды. Осман империясында 1915-ші жылы армян ұлтын жапай қырып-жою адамзат тарихындағы ең ауыр қайғы. Армян геноцидіне әкеп соқтырған саясат Осман империясында билік құрған түріктен басқа ұлтты мойындамау идеологиясының нәтижесі. Армян тарихшыларының дерегінше, 1915-1923-ші жылдар арасында 1,5 миллион армян халқы қырылған. 60 армян қаласы мен 2,5 мың ауыл тоналып, өртелді. Бір миллиондай ұлт босып кетті. Бүгінде армяндардың басым бөлігі өз отанынан жырақта тұрады. Бір ғасырға жуықтады, түрлі мемлекеттердегі армян қауымдастықтары мен саяси ұйымдар 1915-ші жылғы армян геноцидін мойындата алмай жүр. 1978-ші жылы Еуропарламентпен сәйкес қаулы қабылданды. Алғаш болып армян геноцидін 1965-ші жылы Уругвай мойындады. Одан кейін бірқатар мемлекет қосылды. Түркия 1915-ші жылғы зұлматта армяндармен қатар түрік ұлты да құрбан болды деп тағылған айыпты мойындамайды. Түркия мемлекеті бірінші дүнежүзілік соғыс уақытындағы қырғынды зерттеу үшін тарихшылардан халықаралық комиссия құруға үндеп отыр. Жыл сайын зұлмат құрбандарын еске алу Ереванда өтеді. Биыл Армения пандемияға қатысты бұқаралық іс шара өткізуден бас тартқан.